Хоразм вилоятининг қатор туман-шаҳарларида ўтказилган тезкор тадбирларда кучли таъсир қилувчи дори воситаларининг муомалага киритилиши олди олинди. Бу ҳақда Иқтисодий жиноятларга қарши курашиш департаменти хабар берди.
Хусусан, Ҳазорасп туманидаги «Ш.Ф.» хусусий корхонасига қарашли дорихонадан 220 дона, Хонқа туманидаги «Х.Т» хусусий корхонасига қарашли дорихонадан 150 дона, Хива шаҳридаги «Х.Ф» МЧЖга қарашли дорихонадан 140 дона тегишли ҳужжатлари бўлмаган «Бензобарбитал» номли кучли таъсир қилувчи дори воситалари ашёвий далил сифатида олинган.
Мазкур ҳолатлар юзасидан Жиноят кодексининг 186-3-моддаси (таркибида кучли таъсир қилувчи моддалар мавжуд бўлган дори воситаларини рецепт бўйича чакана реализация қилиш тартибини бузиш) билан жиноят ишлари қўзғатилиб, тергов ҳаракатлари ўтказилмоқда.
Мавзуга доир: Хоразмда рейд: қатор дорихоналардан ҳужжати бўлмаган психотроп дорилар топилди
Изоҳ (0)