Ижтимоий тармоқларда Юнусобод туманидаги 198-сонли умумтаълим мактаби директори ўқувчи-қизларнинг рўмолини ечтириб, «орқадан ўрайсан ёки мактабга кирмайсан» деб босим ўтказаётгани ҳақида хабар тарқалди. Ушбу ҳолат юзасидан Тошкент шаҳри Халқ таълими бош бошқармаси ишчи гуруҳи ўрганиш олиб борди.
Таъкидланишича, 198-сонли умумтаълим мактаби Юнусобод туманида эмас, Яшнобод туманида жойлашган.
Бундан кўриниб турибдики, муаллиф ҳатто таълим муассасаси қайси туманда эканини ҳам билмайди. Шунингдек, Facebook ижтимоий тармоғи саҳифаларида яна бир фуқаро ҳам айнан 198-сонли умумтаълим мактабида қизлар рўмолини орқадан ўрашга мажбурланмоқда, деган мазмунда хабар тарқатди, — дейилади муносабатда.Юқоридаги ҳолатлар юзасидан олиб борилган ўрганишларда 198-сонли умумтаълим мактабида дарслар жараёни ўрнатилган тартибда олиб борилаётгани, ўқувчи-қизларга мактаб маъмурияти томонидан ҳеч қандай босим ўтказилмаётгани маълум бўлди.
Изоҳ (0)