Тошкент шаҳри божхона бошқармасининг «Бош почтампт» божхона постига келтирилган халқаро почта жўнатмасида тилла буюмлар яширингани аниқланди. Бу ҳақда бошқарма ахборот хизмати хабар берди.
Мазкур жўнатма ренген қурилмаси орқали божхона назоратидан ўтказилганида скрипканинг кўз илғамас жойларига яширинган ҳамда халқаро почта декларациясида кўрсатилмаган, қиймати 36 миллион сўмлик, оғирлиги 86,4 грамм тилла буюмлар борлиги аниқланди.
Маълумот ўрнида, 2013 йилда Берн шаҳрида имзоланган Халқаро почта иттифоқининг почта жўнатмаси регламенти баённомаси ва Умумжаҳон почта конвенциясига мувофиқ, почта жўнатмаси орқали юборилаётган барча товарлар халқаро почта декларациясида тўлиқ қайд этилиши шартлиги кўрсатилган, шунингдек, почта жўнатмаси орқали заргарлик буюмларини юбориш тақиқланган.
Изоҳ (0)