13—18 сентябрь кунлари Тошкент шаҳрида «Ипак йўли дурдонаси» XIV Тошкент халқаро кинофестивали бўлиб ўтиши ва бу кинофестиваль давомида турли жанрдаги янги фильмларнинг намойиш этилиши, дунёга машҳур киноижодкорлар, актёр ва актрисаларнинг ташрифи кутилмоқда. Кинематография агентлиги ахборот хизмати фестивалда турк актёрлари делегацияси, жумладан, миллионлаб мухлисларнинг қалбидан жой олган актёр Бурак Ўзчивитнинг ҳам иштирок этишини маълум қилди.
Маълум бўлишича, у Туркия делегацияси таркибида Тошкентга ташриф буюради ва бошқа турк актёрлари билан бирга кинофестивалнинг асосий тадбирларида иштирок этади. Жорий йилнинг 15 сентябрь куни Форумлар саройида тантанали равишда очиладиган «Турк киноси кунлари» шулар жумласидандир.
Туркия делегацияси Тошкентда бир қатор фильмлар намойишини ўтказиб, 16 сентябрь куни Урганч шаҳрига жўнаб кетади ва у ерда ҳам икки кун давомида ўз фильмларини намойиш этади.
Актёр Бурак Ўзчивит ҳам Instagram саҳифасида 14—15 сентябрь кунлари кунлари Ўзбекистонда бўлиши ҳақида гапирган.
«14—15 сентябрь кунлари Тошкент кинофестивалида иштирок этаман», — деб ёзган актёр саҳифасига.
2021 йилда Алишер Навоий номли кино саройида Ўзбекистон Кинемотография агентлиги томонидан ўтказилган «Ипак йўли дурдонаси» Тошкент халқаро кинофестивалининг тантанали очилиш маросимида ҳам турк киноси юлдузлари Дилан Чичек Динез, Мелиса Асли Памук, Селим Bayraktar, Эржан Кесал ва Назан Кесал иштирок этган эди.
Эслатиб ўтамиз, актёр 2019 йилда Тошкентга мухлисалари билан зиёфатда иштирок этиш учун келган эди. Улар орасида Ўзбекистондаги нуфузли шахсларнинг рафиқалари, бизнес-ледилар, модель бизнеси вакилалари ҳам бўлган. Актёр ўз истеъдодини қадрловчи аёллар билан 2,5 соатлик мулоқоти эвазига у 2 миллион турк лираси (қарийб 380 минг доллар) пул ишлаб олган. Бундан ташқари у Ўзбекистон унга жуда ёққанини, у ерда кўплаб хушмуомала ва меҳмондўст кишиларни учратгани, шу сабабли албатта у ерга қайтиб боришини ҳам таъкидлаб ўтган эди.
Айнан шу ташриф давомида актёр Тошкент кўчаларини айланиб юрган вақтда мухлисалари уни ўраб олгани акс этган видео тарқалган эди. Унда қизлар актёрдан селфи тушиш учун тўхтаб туришни сўрагани акс этган. Кейинчалик бу ҳолат кўплаб муҳокамаларга сабаб бўлган.
Мавзуга доир:
- «Бизни ўз ҳолимизга қўйинг»: Турк актёри Бурак Ўзчивит ҳомиладор рафиқаси билан яна уришиб қолди.
- «Севги изтироби» сериали юлдузи Бурак Ўзчивит Москвада: Актёр уни кўриш истагидаги мухлисалари қуршовидан тан соқчилари ёрдамида чиқишига тўғри келди (видео).
- «Қурилиш: Усмон» сериалининг суратга олиш гуруҳи аъзоларини ҳақоратлаган актёр Бурак Ўзчивитга суд ҳукми ўқилди.
- «Ўзжан Дениздан Стивен Сигалгача». Тошкентдаги халқаро кинофестивалнинг дабдабали қизил йўлакчасидан ўтган жаҳон юлдузлари (фото ва видео).
Изоҳ (0)