Тошкентнинг Сергели туманидаги кўп қаватли уй 5 қаватида осилиб қолган 14 ёшли қиз қутқарилди. Бу ҳақда ФВВ матбуот хизмати хабар берди.
Маълум қилинишича, 6 сентябрь куни соат 09:47 да Тошкент шаҳар Фавқулодда вазиятлар бошқармасига фуқаро Д.Қ томонидан Сергели тумани «Иттифоқ» МФЙ Сергели 2-даҳасида жойлашган кўп квартирали уйнинг 5-қаватида 14 ёшли қиз осилиб қолгани тўғрисида хабар келиб тушган.
Зудлик билан воқеа жойига ФВВ қутқарувчилари етиб бориб, вояга етмаган фуқаро автонарвон ва махсус анжомлар ёрдамида қутқарилган.
Изоҳ (0)