Индонезия пойтахти Жакартада 6 сентябрь куни камида минг нафар ишчи норозилик намойиши ўтказиб, саккиз йил ичида биринчи марта субсидияланган ёнилғи нархини бекор қилиш учун ҳукуматга босим ўтказишга ҳаракат қилди. Бу ҳақда Reuters хабар бермоқда.
Энергетика субсидиялари бюджетини назорат қилиш учун президент Жоко Видодо 3 сентябрь куни субсидияланган ёнилғи нархини тахминан 30 фоизга оширишдан бошқа иложи йўқлигини маълум қилди. Бу эса 270 миллион аҳолиси бўлган мамлакатда ёқимсиз равишда кутиб олинадиган ҳаракатдир.
Зўравонликлар ёки ҳибсга олишлар ҳақида дастлабки хабарлар йўқ.
Жакартада тўпланган намойишчилар қизил ёки тўқ сариқ рангли усткийимлар кийиб олган ҳолда, ҳукумат ҳаракатини қораловчи ва энг кам иш ҳақини оширишга чақирувчи шиорларни айтишган.
Намойишга чиққанлар ёнилғи нархини оширишни бекор қилишни талаб қилган ва худди шундай намойишлар бутун мамлакат бўйлаб ўтказилишини таъкидлаган.
Субсидияланган ёнилғи Жануби-Шарқий Осиёнинг иккинчи йирик иқтисодиёти учун нозик масала. Аммо ҳукумат тўлов чоралари, жумладан, тўғридан-тўғри нақд пул ўтказмалари орқали зарбани юмшатишга ҳаракат қилмоқда.
Изоҳ (0)