Шарқий Хитой, Япония ва Жанубий Кореяни даҳшатли «Хиннамнор» тайфуни қамраб олди. Оқибатда минглаб одамлар эвакуация қилинишга мажбур бўлмоқда. Бу ҳақда Reuters хабар бермоқда.
Хитойнинг шарқий қисмидаги шаҳарлар паром қатновини тўхтатди. Японияда эса якшанба (4 сентябрь) кунидан бошлаб рейслар бекор қилинди.
Ушбу тайфун ҳозирда тўртта хавфли тоифанинг учинчиси сифатида баҳоланмоқда. Бунда атмосфера босими 945 гектопаскал ва максимал шамол тезлиги соатига 450 километр бўлган «жуда кучли» деб таснифланган.
Кучли шамолли ёмғир жанубий вилоятларда дарахтлар ва йўлларни вайрон қилгани айтилмоқда. Шу сабабдан 20 мингдан ортиқ хонадон электр таъминотисиз қолган.
«Хиннамнор» – 400 метр масофага эга бўлган жуда катта тайфун бўлиб, у деярли бутун мамлакат бўйлаб кучли шамолли ёмғирни олиб юриши мумкин», — дейди прогнозчи Хан Санг-ун.Сешанба (6 сентябрь) куни эрталаб Жанубий Кореянинг Улсан шаҳридан 3 минг 463 киши эвакуация қилинган. 25 ёшли бир эркак бедарак йўқолган. Яна икки киши ҳалок бўлган.
600 дан ортиқ мактаб ёпилган. 250 дан ортиқ ички рейслар бекор қилинган. Мамлакатнинг турли ҳудудларида паромлар ҳаракати ҳам тўхтатилган. Шунингдек, 66 мингдан ортиқ балиқчи қайиқлари портларга эвакуация қилинмоқда.
Изоҳ (0)