Янги дизайнерлик сумкасига сармоя киритишни режалаштирмоқчи бўлганлар вақт синовидан ўтган моделларни кўриб чиқиши мумкин. Гардеробда фақат чанг тўплайдиган ва биргина мавсум давомида урфда бўладиган моделлар тавсия этилмайди. Harper’s Bazaar Kazakhstan нашри йиллар давомида ўз аҳамиятини йўқотмайдиган сумка моделларини тақдим этди.
Dior’дан тоут-сумка
Dior тоут сумкалари тезда француз мода уйининг энг таниқли моделларидан бирига айланди. Бундан ташқари, ушбу модель ўзлари билан зарур нарсаларни олиб юришни яхши кўрадиганлар учун жуда қулай.
Chanel 2.55 сумкаси
Chanel твидли сумкаси мода тарихидаги энг машҳур аксессуарлардан бири ҳисобланади ва бунинг сабабини тушуниш қийин эмас. Агар ҳеч қачон модадан қолмайдиган ажойиб сармоявий моделни излаётган бўлсангиз, унда бу сумка аниқ сиз учун.
Louis Vuitton NeoНоэ чарм сумкаси
Louis Vuitton томонидан яратилган NeoНоэ — бу ҳақиқий афсона бўлиб, у биринчи марта 1932 йилда шампан виноларини ташиш учун яратилган. Ўшандан кейин сумка қалин қоплама билан қайта ишланган.
Hermes’нинг Келлй сумкаси
Келлй — Hermesнинг энг машҳур моделларидан биридир. Ушбу сумкаларни деярли топиб бўлмайди, бу фақат харидорларнинг қизиқишини кучайтиради.
Fendi’нинг Baguette сумкаси
Француз нонининг шарафига номланган сумка имкон қадар янгиланди ва ўзгартирилди.
Prada’дан Sidonie сумкаси
Sidonie қисқа вақт ичида ўзининг дизайни ва ноодатий силуэти билан Pradaнинг янги нафислик рамзига айланди.
Bottega Veneta’нинг Pouch клатчи
Bottega Veneta Pouch сумкаси клатчларни урфга қайтарди. Нозик бурмали бу аксессуар ҳар қандай кийимга мукаммал қўшимча бўлади.
Burberry’дан тоут сумка
Ушбу Burberry тоут-сумкаси кундалик иш учун жуда мос келади.
Gucci Horsebit 1955 сумкаси
1955 йилги Horsebit сумкалари 2020 йилги тўпламда урфга қайтди. Ушбу модель итальян бренди билан синонимга айланганлиги сабабли, бу аксессуар ҳеч қачон урфдан чиқмаслиги аниқ.
Marni’дан кросс сумка
Marni кросс-сумкаси кўп йиллар давомида урфда бўлиб келган ва шунинг учун ҳам абадий классика деб ҳисоблангани ажабланарли эмас.
Celine’дан елкага илинадиган сумка
Celine бренди ҳашаматли аксессуарлари билан машҳур бўлиб, йиллар давомида ўз эгаларини хурсанд қилади.
Off-White’дан Twist Jitney сумкаси
Агар сиз ҳар куни замонавий ҳамроҳ излаётган бўлсангиз, Off-White’дан Twist Jitney сумкасини тавсия қиламиз.
Dolce & Габанна Девотион сумкаси
Девотион сумкаси нафислик ва функционалликни ўзида мужассам этган санъат асаридир. Италия брендининг Humanитас университети билан ҳамкорлиги доирасида ҳар куни ушбу модель сотувининг беш фоизи илмий тадқиқотларни қўллаб-қувватлашга йўналтирилади.
3.1 Пҳиллип Лимъдан Алих сумкаси
Алих сумкаси 3.1 Пҳиллип Лимнинг классикаси. Ростини айтганда, ундаги ранглар ҳар қандай аёл дидига мос келади.
Jil Sander’дан кросс-сумка
Jil Sander юқори сифат ва минимализмнинг тимсоли бўлиб, сумка модели ҳамиша урфдалиги билан бошқаларидан ажралиб туради.
Изоҳ (0)