Урфга ҳамиша ҳам риоя қилиб бўлмайди, чунки пойабзалнинг янги моделлари доимо пайдо бўлади. Албатта, бу гардеробдан ҳамма нарсани олиб ташлаб, ҳар мавсумда янгисини сотиб олиш керак дегани эмас. Аммо ҳозир трендда бўлмаган нарсани бир четга суриб, янги нарсага диққат қаратиш мумкин. Айтганча, бир неча йил олдинги пойабзаллар бугунги кунда жуда машҳур бўлиши мумкин. AdMe нашри таътилга чиқиши керак бўлган пойабзал моделларини тақдим этди.
Қўпол ҳамда ҳарбий услубдаги этиклар модели эскирган. Уларни ҳозирча киймаслик мумкин, шунинг учун дўконлардаги янги маҳсулотларни диққат билан кўриб чиқиш тавсия этилади. Мисол учун, ковбой этиклари яна трендда.
Резина этиклар ҳозир урфда эмас. Улар оддийлиги билан замонавий тренддан ортда. Резина этикларнинг замонавий моделларини мода уйларининг коллекцияларида ҳам топиш мумкин.
Мисол учун, бундай моделни ҳип-ҳоп санъаткори Cardi B ва рэпер Офсет танлади.
2022—2023 йилги мавсумда юқори қисми ёпишиб турадиган туфли ва этиклар урфда бўлмайди. Уларнинг ўрнини аввалроқ эскирган юқори қисми чармли этиклар эгалламоқда.
Бир вақтлар мўйнали қўшимчалар мода пойдеворининг тепасида эди. Бугунги кунда мўйнаси етарли даражада кўп бўлган моделлар долзарбдир: у қанчалик кўп бўлса, шунча замонавий.
Кўпчилик томонидан севиб кийиладиган кроссовка моделлари ҳам ўзгаришларга учрайди. Катта платформадаги пойабзаллар ўзларининг мода позицияларини йўқотмоқда. Энди ўтган асрнинг сўнгги ўн йиллиги услубида пойабзал кийиш кўпроқ урфда.
Бундай моделлар кўпроқ гардеробда шунчаки чанг тўплаши мумкин.
Аксарият аёлларнинг гардеробида олд қисми думалоқ шаклли этиклар бор, лекин улар 2022—2023 йил куз-қиш мавсумида трендда бўлмайди. Бироқ бу уларни ташлаб юбориш вақти келди дегани эмас. Баъзи услублар учун мода тез-тез қайтиб келади, шунинг учун бу этиклар бир неча мавсум давомида яна урфга қайтишини кутиш лозим.
Кўпчилик квадрат пошнани яхши кўради. Чунки ушбу модель ҳаракатланиш учун жуда қулай. Лекин қулайлик билан биргаликда урфда бўлиш ҳам муҳим масала. Шунинг учун мазкур моделни вақтинча янгилари билан алмаштириш тавсия этилади.
Стилистлар бурмали этиклардан кўра аниқ силуэтли моделларни афзал кўришни маслаҳат беради. Бундан ташқари, ушбу услуб учун образ танлаш осонроқ: масалан, уларни мини юбка ва катта ҳажмли свитер билан кийиш мумкин.
Кузнинг илиқ кунларида лофер кийиш мумкин, аммо пошнасиз услуб мода стандартларига кўра эскирган. Бундан ташқари, очиқ лоаферларни сотиб олмаслик керак, чунки классик моделлар куз мавсуми учун қулай.
Изоҳ (0)