Енгил ҳамда қулай футболкадан севимлироқ яна қандай кийим бўлиши мумкин? Аммо гардеробнинг бундай элементи ҳам ўз аҳамиятини йўқотмоқда. Асосий ранглар трендда бўлса-да, нақш босилган ёки ғалати бичимли футболкаларни мунтазам янгилаб туриш керак. Бу каби футболкалар образга путур етказиши мумкин. Бунга йўл қўймаслик учун Marie Claire нашри футболкаларнинг қайси моделлари узоқ вақтдан бери урфдан қолганини ва уларни қандайларига алмаштиришни маслаҳат берди.
Бир пайтлар севимли мультфильм қаҳрамонлари Hello Kitty ёки Барби тасвирланган машҳур футболкалар энди шунчаки кулгили кўринади. Уларга фақат болалар гардеробида жой бор, албатта, энди ҳар қандай замонавий аёл бу билан мукаммал образ ярата олмайди. Уларнинг ўрнига қандайдир сирли белгилар акс этган кўплаб замонавий вариантлар мавжуд.
Либослар орасида қоматга урғу берадиган тор бичимдагилар урфга қайтган бўлса-да, бу футболкалар учун тегишли эмас. Футболкаларнинг тор ҳамда бир хил рангда бўлмаганини дарҳол гардеробдан олиш тавсия этилади. Аксинча уларнинг ўрнига кенг, бироз калта бичимдаги оқ, қора ва кул ранг футболкалар харид қилишни унутманг. Ёки классик костюмлар билан комбинация ҳосил қилиш учун тўрли ҳамда оддий топиклар кийиш мумкин.
Жуда юпқа матодан тикилган футболкалар 10 йил аввал урфда эди. Эндиликда бироз қалин ва ичи кўринмайдиган футболкалар кийиш тенденцияси мавжуд. Юпқа футболкалар ҳар томонлама ноқулай бўлиши билан бирга, қоматнинг камчиликларини ҳам намоён қилади. Шунингдек, улар эндигина қимматга харид қилинса ҳам арзон ва эскидек кўринади.
Ҳамиша кийимларнинг ортиқча безакларсиз бўлиши унинг қийматини ошириб келган. Бу футболкалар учун ҳам тегишли. Аёлларнинг доимо классик рангли безакларсиз футболкаларни танлов қилиши бу уларнинг образ яратишдаги ютуғидир. Шунингдек, бичимлар ҳам бундан мустасно эмас. Бўйин қисми кенг ўйилган футболкалар ташқи кўринишда номутаносибликни келтириб чиқаради. Шунинг учун юқоридаги тавсияларга кўра, барча белгиларни ўзида мужассам этган футболкаларни танлаш тавсия этилади.
Изоҳ (0)