Бугун,

  • USD 11095.31
  • RUB 173.84
  • EUR 10772.44

Европанинг нуфузли нашри журналистлари Silk Road Samarkand мажмуаси очилиши билан Ўзбекистонга сайёҳлар оқими кучайишини таъкидламоқда.

Ўзбекистоннинг қадимий кентларидан бири бўлган Самарқандда Silk Road Samarkand янги туризм маркази хорижлик меҳмонлар ва сайёҳлар учун ўз бағрини очди. Euronews телеканали ўзининг «Focus» саҳифасида намойиш этган репортаж орқали ушбу замонавий сайёҳлик мажмуаси билан яқиндан танишиш ва лойиҳани рўёбга чиқаришга бевосита дахлдор инсонлар билан мулоқотга чорламоқда.

Галина Полонскаянинг Самарқанддан олинган сюжети ойлик томошабинлар қамрови қарийб 15,2 миллион кишини ташкил этувчи энг оммабоп саналган Euronews халқаро ахборот телеканалида анча юқори намойиш кўрсаткичига эришди. Бу бежиз эмас, албатта.

Репортажда Самарқанд туристик маркази замонавий конгресс-маркази, «Абадий шаҳар» тарихий-этнографик хиёбони, гаштак (балиқ тутиш учун сунъий кўл), мусиқали фонтан ўрнатилган марказий сайлгоҳ, Eco Village алоҳида коттежлар мажмуаси, шунингдек, халқаро таснифланган брендлар остидаги 8 та меҳмонхонани бирлаштирган улкан кўптармоқли мажмуа сифатида тез орада Ўрта Осиё туризм секторидаги референт марказига айланади, дея таърифланади.

Европа оммавий ахборот воситаларида таъкидлашича, айнан Silk Road Samarkand мажмуаси келгусида Самарқанд шаҳрида туризмни янада ривожлантиришда куч ва суръат бағишловчи берувчи омил бўлиб хизмат қилади.

«Бу биз учун катта аҳамиятга молик воқеа, беқиёс Самарқанд шаҳрига, Ўзбекистонга бутун дунёни меҳмонга чорлаш имконияти туғилганидан беҳад мамнунмиз», — дейди Silk Road Samarkand бошқарув компанияси бош директори Артём Владимирович Егикян.

«Мажмуага бағишланган 30 сониялик промо-роликнинг Ўзбекистон Республикаси Мустақиллик куни эфирга узатилишида ҳам ўзига хос тимсол бор. Биз илк сайёҳлар гуруҳини мана шу куз мавсумидаёқ кутиб олишга ҳозирлик кўрмоқдамиз. Айни пайтда сентябр ойи охиридан бошлаб очиқ саналарни брон қилиш тизими ишга тушиш арафасида. Ишончимиз комилки, меҳмонхоналаримиз ҳамда бутун марказ салоҳияти Самарқандга сайёҳлар оқими ҳажмини икки карра оширишга хизмат қилади.

Моҳиятан Самарқанд туризм маркази ҳозирданоқ ишбилармонлик, маданий, тиббий ва гастрономик туризм объектларини бирлаштирувчи тармоққа айланиб улгурди.

Silk Road Samarkand фаолияти доирасида минтақада туризм йўналишида мутлақо янги шаклдаги маҳсулот тақдим этилмоқда. Бу ерда, Самарқандда илк бора 5 юлдузли меҳмонхоналар ишга тушди, ўхшаши йўқ яшил хиёбон яратилди. Silk Road Samarkand нинг энг аҳамиятли ҳамкорларидан бири Хитойнинг Minyoun Hospitality меҳмонхоналар тармоғи бўлди. Ушбу тармоқ Марказий Осиёдаги илк меҳмонхоналарини айнан Самарқанд заминида очмоқда.

Ўтмиш ва келажакни боғлаб турувчи тимсолий кўприк репортаж томошабинини Silk Road Samarkand’нинг айни юрагига – миллий меъморчилик, ҳунармандчилик ва устакорлик анъаналари акс этган «Абадий шаҳар»га етаклайди.

Бу мажмуа моҳир усталар, рассомлар, ҳунармандлар, ёғоч ўймакорлари, кулоллар ва наққошлар – Ўзбекистон халқи қодир бўлган энг асл неъматларнинг бор негизи ва моҳияти намойиши сифатида ҳар бир хорижлик меҳмонда катта қизиқиш уйғотади.

«Абадий шаҳар» мажмуасида 100 дан ортиқ халқ ҳунармандчилиги ва амалий санъати вакилларининг устахоналари жойлашади. Улар ўзбек кулолчилик, ўймакорлик, ипакчилик намуналари, миллий либослар ва сувенирлар, сўзаналар ва гиламларни шу ернинг ўзида яратадилар.

Шунингдек, бу ерда таниқли рассомлар ва дизайнерларнинг устахоналари ҳамда шоурумларига ҳам ўрин берилган. «Абадий шаҳар»даги майолика коллекцияси мутлақо бетакрор, уни яратишда мавжуд тарихий иншоотларнинг ҳеч биридан андоза олинмаган. Яратувчи усталарнинг ишонч билдиришича, Silk Road Samarkand ва унинг юраги бўлмиш «Абадий шаҳар» тез орада бутун жаҳонга донг таратади.

Янги Самарқанд ва туризм соҳасида янги имкониятлар тимсоли бўлмиш ушбу кенг кўламли лойиҳа келгусида бутун Марказий Осиёнинг диққатга сазовор иншоотига айланиши ҳеч шубҳа йўқ.

Маълумот учун:

  •  марказ ҳудуди — 260 га дан ортиқ;
  • кўкаламзолаштирилган майдон — 170 га дан ортиқ;
  • 8 та меҳмонхона;
  • конгресс-марказнинг функционал майдони — 18 000 м2;
  • 14 та вилла;
  • 31,8 км узунликда йўлаклар ва велойўлак;
  • 12 та кўприк;
  •  сунъий кўллар майдони 46 га;
  • йўллар узунлиги 20 км;
  • қурилиш ишларига 10 000 нафардан ортиқ мутахассислар жалб этилган бўлиб, уларнинг 2000 нафардан ортиғи хориждан таклиф этилган мутахассислардир;
  • мажмуадаги меҳмонхоналар бир вақтнинг ўзида 3000 та одамни сиғдира олади;
  •  шаҳар марказида 20 минутлик масофада жойлашган.
Маълумот шериклик ҳуқуқи асосида тайёрланди

Изоҳ
Асосий янгиликлар
Маҳаллий
Нукус воқеалари бўйича уч нафар ҳуқуқни муҳофаза қилувчи орган ходими қамоққа олинди 
Дунё
G7 давлатлари Хитой, Шимолий Корея ва Эронга қарши санкциялар тайёрламоқда — Bloomberg
Маҳаллий
Ўзбекистоннинг январь ойидаги бюджет даромади очиқланди