Ўзбекистон мустақиллигининг 31 йиллиги муносабати билан Тошкент вилоятидан Сирдарёга қатнайдиган янги мунтазам вилоятлараро-шаҳарлараро автобус йўналишлари ташкил этилди. Бу ҳақда Тошкент вилояти ҳокимлиги хабар қилди.
Қайд этилишича, «Бобур СИУ—Бекобод» ҳамда «Ширин—Бекобод» йўналишлари масофаси 20—30 километр бўлиб, ҳар иккала йўналиш ҳам «Фарҳод» ГЕС орқали ҳаракатланади.
Эндиликда Тошкент вилоятининг Бекобод шаҳри аҳолиси қўшни Сирдарё вилоятининг Ховос тумани, Ширин шаҳарчаларига автобус орқали ҳам бориб-келиш имкониятига эга бўлади.
Изоҳ (0)