Тошкент вилояти Қибрай туманида деярли 2 ярим миллиард сўм солиқ қарздорлиги ундирилди. Бу ҳақда Мажбурий ижро бюроси хабар қилди.
Қайд этилишича, бюронинг Қибрай туман бўлими иш юритувига қарздор «Тошкент қурилиш моллари» МЧЖдан ундирувчи Қибрай туман Давлат солиқ инспекцияси фойдасига 2 миллиард 491 миллион 147 минг 824 сўм солиқ қарз ундириш тўғрисидаги ижро ҳужжати келиб тушган.
Шу куннинг ўзида ижро иши қўзғатиш тўғрисида қарор қабул қилиниб, қарор нусхаси тарафларга юборилган. Мажбурий ижро ҳаракатлари давомида бюронинг Қибрай туман бўлими ходимлари томонидан ушбу қарз маблағи ундирилиши таъминланган.
Изоҳ (0)