Toshkent viloyati Qibray tumanida deyarli 2 yarim milliard so‘m soliq qarzdorligi undirildi. Bu haqda Majburiy ijro byurosi xabar qildi.
Qayd etilishicha, byuroning Qibray tuman bo‘limi ish yurituviga qarzdor “Toshkent qurilish mollari” MCHJdan undiruvchi Qibray tuman Davlat soliq inspeksiyasi foydasiga 2 milliard 491 million 147 ming 824 so‘m soliq qarz undirish to‘g‘risidagi ijro hujjati kelib tushgan.
Shu kunning o‘zida ijro ishi qo‘zg‘atish to‘g‘risida qaror qabul qilinib, qaror nusxasi taraflarga yuborilgan. Majburiy ijro harakatlari davomida byuroning Qibray tuman bo‘limi xodimlari tomonidan ushbu qarz mablag‘i undirilishi ta’minlangan.
Izoh (0)