АҚШнинг Миннесота штатида яшовчи эркак 70 ёшли қўшнисини “ўзга сайёралик” деб ўйлаб, отиб ўлдирди. Бу ҳақда CBS News хабар берди.
Ҳодиса Уиндом шаҳрида маҳаллий вақт билан соат 5:00 атрофида юз берган. Маҳаллий аҳоли турар жой биносида отишма овозларини эшитиб, полицияга мурожаат қилган. Воқеа жойига етиб келган полиция ходимлари ўқдан жароҳатланган аёлни топган. Жабрланувчи қўшниси унга бир неча марта ўқ узганини айтган.
Таъкидланишича, эркак воқеадан тахминан 45 дақиқа аввал аёлга қўнғироқ қилиб, ундан ёрдам сўраган. Аёл ҳодисадан сўнг шифохонага олиб кетилган, аммо унинг ҳаётини сақлаб қолиш имкони бўлмаган. Шифокорлар унинг танасида еттита ўқ ярасини топган.
Гувоҳларнинг айтишича, эркак қўшни аёлни “ўзга сайёралик” деб ўйлаган ва яқин орада уларни олиб кетиш учун космик кема келишини айтган. Шундан сўнг отишма билан боғлиқ ҳолат юз берган. Полиция терговига кўра, эркак қўшнисининг уйига бостириб кириб, унга қарата бир неча маротаба ўқ узган. Айбланувчи воқеа жойидаги ҳаммомдан топилган ва дастлаб касалхонага кўрик учун олиб кетилган, сўнг қамоққа олинган.
Изоҳ (0)