Ижтимоий тармоқларда Cobalt ва Lacetti автомашиналарининг тўқнашуви оқибатида йўл ҳаракати қатнашчилари ўртасидаги муштлашув акс этган видео тарқалди. Тошкент шаҳар Ички ишлар бошқармаси ҳолатга муносабат билдирди.
Қайд этилишича, 1 сентябрь куни соат тахминан 15:45 да Cobalt автомашинаси ҳайдовчиси Б.Н. (34 ёшли) ва Lacetti автомашинаси ҳайдовчиси Ш.У. (26 ёшли) Яшнобод тумани Авиасозлар ва Қорасув кўчалари кесишмасида майда тўқнашув содир этган.
Тўқнашув туфайли йўл ҳаракати қатнашчилари ўртасидаги жанжал муштлашувга айланиб кетган. Оқибатда Cobalt автомашинасининг йўловчиси Б.Н. (36 ёшли) тан-жароҳатлари олиб шифохонага мурожаат қилган.
Ҳозирда ҳолат юзасидан терговга қадар текширув ўтказилмоқда.
Изоҳ (0)