Тошкент халқаро аэропортида 57 бош тимсоҳ болалари ноқонуний олиб ўтилишига чек қўйилгани хабар қилинганди. «Тошкент-АЭРО» ихтисослаштирилган божхона комплекси ахборот хизмати «Дарё»га ҳолат бўйича қўшимча маълумот берди.
Қайд этилишича, мазкур тимсоҳ болаларининг умумий қиймати 918,5 миллион сўмни ташкил қилади. Улар Тошкент ҳайвонот боғига вақтинча сақлаш учун топширилган.
Туғилганига бир ҳафта бўлган мазкур Нил тимсоҳи турига мансуб тимсоҳ болалари ташиш ва сақлаш қоидаларига риоя қилинмаган. Шу сабабли Тошкент ҳайвонот боғи ходимлари томонидан аҳволи қониқарли деб баҳоланмоқда.
Бундан ташқари, Тошкент халқаро аэропорти орқали олиб кирилаётганда аниқланган 10 дона буқаламун ҳақида ҳам маълумот берилган. Таъкидланишича, тахминий қиймати 5 минг доллар яъни, 54 миллион 650 минг сўм бўлган жонзотлар сувда судралиб юрувчилар туркумига кирувчи Яман буқаламунлари экани аниқланди.
Ҳозирда мазкур жонзотлар ҳам Тошкент ҳайвонот боғига вақтинча сақловга топширилган. Мутахассисларнинг доимий назорати осида парваришланмоқда. Ҳайвонот боғининг ветеринарлари берган маълумотга асосан ташиш қоидаларига риоя қилинмагани сабабли буқаламунларнинг 6 таси оғир аҳволда дея баҳоланмоқда.
Ҳозирда юқоридаги ҳолатлар юзасидан божхона органлари томонидан суриштирув ҳаракатлари давом эттирилмоқда.
Изоҳ (0)