Жиззах вилояти Ғаллаорол туманида 25 август куни одам ўлими билан боғлиқ йўл-транспорт ҳодисаси содир бўлди. Бу ҳақда вилоят Ички ишлар бошқармаси хабар қилди.
Қайд этилишича, ҳолат шу куни тунги соат 01:00 ларда туманнинг Хонимқўрғон қишлоғидан ўтувчи М-39 Тошкент—Термиз йўлининг 1036-километрида содир бўлган. Сирдарё вилояти Ховос туманида яшовчи фуқаро Kia Bongo автомашинасини Самарқанд йўналиши бўйлаб бошқариб бораётиб, йўл четида тўхтаб турган Андижон туманида яшовчи фуқаро (1986 йилда туғилган) бошқарувидаги Isuzu юк машинасининг орқа қисмига бориб урилган.
ЙТҲ оқибатида Kia ҳайдовчиси чап оёқ сон суяги ўрта учлигидан ёпиқ синиб силжиши ташхиси билан шифохонага ётқизилган. Машинада бўлган ҳайдовчининг турмуш ўртоғи эса тан жароҳати билан воқеа жойида вафот этган.
Изоҳ (0)