Андижон вилояти «Дўстлик» чегара божхона постида 36 минг доллар ноқонуний олиб чиқиб кетилишининг олди олинди. Бу ҳақда вилоят божхона бошқармаси хабар берди.
Маълум қилинишича, ушбу чегара божхона постига чиқиш пиёда йўлаги орқали Қирғизистонга ўтиб кетиш мақсадида кириб келган бир неча фуқаролар ҳаракати божхоначилар эътиборини тортган. Шундан сўнг ушбу фуқаролар қонунчиликда белгиланган тартибда божхона шахсий кўригидан ўтказилган.
Ўтказилган божхона кўриги натижасида ушбу фуқароларнинг ёнидан декларацияда кўрсатилмаган ва божхоначиларнинг оғзаки сўровида маълум қилинмаган жами 36 минг доллар борлиги аниқланган.
Ҳозирда мазкур ҳолат юзасидан Андижон вилояти божхона бошқармаси томонидан терговга қадар текширув ҳаракатлари давом эттирилмоқда.
Мавзуга доир:
Изоҳ (0)