Таъмга бўлган эҳтиёжларнинг ўзариши организмдаги муаммолардан дарак беради. Хўш, тузланган карам ёки бир бўлак лимон истеъмол қилиш истаги нимани англатади? «Новий очаг» нашри қуйида ушбу саволга жавоб берди.
Пишмаган мевалар, тузланган карам, лимон — тўсатдан нордон нарса истеъмол қилиш истаги пайдо бўлади. Агар доимо бундай маҳсулотларни афзал кўрганлардан бири бўлмасангиз, ўзгаришга нима сабаб бўлганини аниқлаш лозим. Нордон таъмга доимий иштиёқнинг пайдо бўлиши организмдаги нормал фаолиятнинг бузилишини англатиши мумкин.
Нима учун нордон нарса истеъмол қилиш истаги пайдо бўлади ва вазиятни қандай тузатиш керак?
Авитаминоз
C витамини етишмаслигида инсон нордон маҳсулот ейишни хоҳлайди. Одатда ушбу витамин етишмаслиги овқатланиш ва жисмоний машқлар фонида чарчоқнинг кучайиши, тез-тез шамоллаш (йилига 4 мартадан кўпроқ), тери рангининг ўзгариши, қон томирларининг мўртлиги (кўкаришлар), каби ўзгаришлар билан бирга кузатилади. Уйқу режимида (кундузи уйқучанлик ва кечаси уйқусизлик), мушак оғриғи (миалгия) ва бўғимлар, бош оғриғи ҳам пайдо бўлади. Ечим организмни C витаминининг қўшимча дозалари билан таъминлашдир.
Юқумли касалликлар
Организмда C витаминининг нормал даражаси бўлса ҳам тана ҳароратининг ошиши билан боғлиқ юқумли касаллик пайтида у етарли бўлмаслиги мумкин. Бундай вақтда организмда кўпроқ аскорбин кислота керак бўлади, бу вирусларга қарши курашда асосий қурол — интерферон ишлаб чиқариш учун зарурдир. Тикланишни тезлаштириш учун шифокорлар катталар учун кунига 1000 мг гача, болалар учун эса 250 мг гача C витамини олишни тавсия этади.
Ошқозон-ичак тракти касалликлари
Ошқозон-ичак трактидаги патологик жараёнлар, айниқса яллиғланиш табиати, кўпинча кислоталиликнинг бузилиши билан бирга келади. Организм кислотали овқатлар истеъмол қилиш орқали меъда шираси ишлаб чиқариш таниқслигини қоплашга интилади. Кўпинча бундай истаклар гастрит, ошқозон ярасида ва кислоталилик камайиши билан боғлиқ. Нордон таъм истаги ҳам ўт йўллари ва жигар касалликларининг аломати бўлиши мумкин.
Ҳомиладорлик
Ҳомиладорлик даврида кўп аёллар нордон маҳсулотлар билан овқатланади. Одатда бундай истак табиий ҳисобланади ва бирор чора кўришни талаб қилмайди. Ҳомиладор аёлларнинг нордонга таъмга бўлган истаги ҳомиладорликнинг биринчи ярмида жиғилдон қайнаши ва токсикоз билан изоҳланади. Ушбу даврда организмдаги ферментларнинг фаоллиги пасаяди ва кислотали овқатлардан фойдаланиш овқат ҳазм қилишни рағбатлантиради, қолаверса, нохуш аломатларнинг намоён бўлишини камайтиради. Кислотали овқатлар ҳам ҳомила скелетининг шаклланиши учун зарур бўлган кальцийнинг сўрилишини оширади.
Баъзи нордон таъмли маҳсулотларга бўлган хоҳиш нимани англатади?
Нордон резавор ва мевалар
Нега смородина, клюква ёки лимон истеъмол қилишни хоҳлашади? Одатда бу резавор ва меваларни истеъмол қилиш истаги калий ва аскорбин кислотаси етишмаслигидан далолат беради. Ушбу моддалар юрак-қон томир, иммунитет ва овқат ҳазм қилиш тизимларининг фаолиятида муҳим рол ўйнайди. Бундай маҳсулотларни витамин-минерал комплексларида қабул қилиш мумкин, улар орасида калий ва аскорбин кислотаси мавжуд.
Тузланган карам
Тузланган карамга бўлган иштиёқ PP ва C витаминлари, шунингдек, ичаклар тўлиқ ишлаши учун зарур бўлган минерал етишмаслигини кўрсатади. Қоида тариқасида, уларнинг етишмовчилиги стресс ва жисмоний зўриқишлардан кейин содир бўлади.
Сутли маҳсулотлар
Организмнинг ферментланган сут маҳсулотларига бўлган эҳтиёжи (кефир, творог, йогурт) кальцийга бўлган эҳтиёжни оширади. Унинг етишмовчилиги билан остеопороз ривожланади — суякларнинг мўртлиги кучаяди. Сут маҳсулотлари нормал метаболизмни таъминлаш учун зарур бўлган пребиётикларга, шунингдек, лецитин ва лизинга бой.
Изоҳ (0)