Сингапур ҳукумати фуқароларнинг криптовалюталарга бўлган қизиқиши ортиб бораётганидан хавотирда. Бу ҳақда душанба куни Сингапур валюта бошқармаси (MAS) бошқарувчи директори Рави Менон маълум қилди. Шу сабабли, расмийлар чакана инвесторларнинг криптовалюта савдосига киришини чекламоқчи, дея хабар беради Reuters.
MAS криптовалюта савдосини бутунлай тақиқламоқчи эмас, лекин малакасиз инвесторларни хавфли рақамли валюта операцияларидан узиб қўйишга ёрдам берадиган маълум чекловларни жорий қилмоқчи.
Сингапур бозорни нисбатан либерал тартибга солиш туфайли Осиёдаги энг йирик криптовалюта савдо марказларидан бири ҳисобланади.
Бироқ, криптовалюта бозоридаги ҳозирги инқироз ва рақамли активлар савдоси билан боғлиқ компанияларнинг кўплаб банкротлиги расмийларни ўз позицияларини қайта кўриб чиқишга мажбур қилди.
Шундай қилиб, жорий йилнинг май ойи бошида Terraform Labs’дан Луна токенининг қадрсизланиши туфайли мингга яқин сингапурлик зарар кўрди.
Июль ойида эса Сингапурда рўйхатдан ўтган Three Arrows (3AC) криптовалюталарининг энг йирик тўсиқ фондларидан бири банкрот бўлган эди.
Аввалроқ «Толибон» Афғонистонда криптовалюталарни тақиқлаган эди.
Изоҳ (0)