Туркия октябрь ойида Қора денгиз бўғозлари орқали ўтиш нархини беш бараварга оширади. Бу ҳақда Sabah нашри Туркия Транспорт вазирлигидаги манбаларга таяниб, хабар берди.
Маёқ, тиббий ёрдам ва савдо кемаларини эвакуация қилиш учун ҳақ тўлаш Монтрё конвенциясида белгилаб қўйилган.
Бўғозларда навигацияни тартибга солувчи ушбу конвенция 1936 йилда Швейцариянинг Монтрё шаҳрида қабул қилинган. Ҳужжат Туркиянинг Босфор ва Дарданел бўғозлари устидан Қора денгиздан Ўрта Ер денгизигача бўлган суверенитетини қайта тиклаган.
Нашр ҳисоб-китобларига кўра, бўғозлардан ўтишга қўйилган янги тўлов миқдори ортидан Туркиянинг йиллик даромади 40 миллион доллардан 200 миллион долларга кўтарилиши мумкин.
Россия Украинага бостириб кирганидан кўп ўтмай Туркия ҳарбий кемаларнинг Босфор ва Дарданел бўғозларидан ўтишини тақиқлаган эди.
Изоҳ (0)