Россия кучлари томонидан босиб олинган Мелитопол шаҳри мери Иван Федоров 28 август куни Украина Қуролли кучлари Россияга қўшилиш бўйича «сохта референдумга тайёргарлик кўрилган» бинони ракета ҳужуми билан вайрон қилгани ҳақида хабар берди.
Украина қуролли кучлари Россия томонидан эгаллаб олинган Херсон вилоятидаги Новая Каховкага зарба берди. Украина «Жануб» оператив қўмондонлиги маълумотларига кўра, шаҳарда Россия армиясининг қўмондонлик пунктларидан бирига зарба берилган. Харьков ва Ровно вилоятининг Сарни шаҳри ўққа тутилди: «Беларусь Гаюн» лойиҳаси маълумотларига кўра, Россия самолётлари Беларусь ҳудудидан Украинага қарата ўқ узган. Meduza урушнинг 186-кунидан асосий фотосуратларни жамлади.
Киевда ўтказилган «Украина бирлиги» акциялари
Киевликлар «Она Ватан» ёдгорлиги атрофида сайр қилмоқда.Фото: AP Photo
Украина байроғи рангида либос кийган қизча Киевдаги Мустақиллик майдонида.Фото: AP Photo
Фаоллар Днепрдан ўтувчи пиёдалар кўприги устида 430 метрлик Украина байроғини ушлаб турибди. «Украина бирлиги» акцияси рамзий маънода Днепрнинг иккала қирғоғини бирлаштиради ва мамлакатнинг Россия томонидан босиб олган ҳудудлари билан алоқани намойиш этади.Фото: AP Photo
Кўприкда Украина байроғини кўтаришга ёрдам бераётган бола. Акция иштирокчилари орасида ишғол туфайли шаҳарни тарк этишга мажбур бўлган Херсон аҳолиси ҳам бор.Фото: AP Photo
Славянскнинг ўққа тутилиши оқибатлари
Славянсклик киши рус аскарлари тунда шаҳарни ўққа тутганидан кейин онасининг квартирасидаги вайронагарчиликни кўрсатмоқда. «Мана озодликнинг кўриниши», — деди у журналистларга.Фото: AP Photo
Ишчилар Россия ўқларидан шикастланган кратердан сув чиқармоқда. Маҳаллий ҳукумат кўп қаватли уйлар ва мактабга зарба берилганини хабар қилди. Отишма пайтида қурбонлар бўлмаган, бироқ зарба еган хонадонлар яшаш учун яроқсиз ҳолга келган. Украина Қуролли кучлари Россия қўшинлари Славянск йўналиши бўйича олдинга силжишга ҳаракат қилгани, аммо чекинишга мажбур бўлганини маълум қилди.Фото: AP Photo
Донецк вилоятининг ўққа тутилиши
Донецк вилояти Пазено қишлоғи яқинида отишмадан кейинги тутун. У ерда жанглар давом этмоқда, рус армияси Баҳмутга ҳужум қилишга уринмоқда.Фото: Reuters
Украиналик ҳарбийлар Донецк вилояти Васюковка қишлоғида.Фото: Reuters
Изоҳ (0)