Якшанба (28 август) куни Россиянинг Волжский шаҳридаги бозорда ёнғин чиқди. Бу ҳақда мамлакат Фавқулодда вазиятлар вазирлигига таяниб, Reuters хабар бермоқда.
Ҳодиса Москва вақти билан тахминан соат 17:05 (Тошкент вақти билан 15:05)да бошланган.
Ўт ўчириш ва қутқарув бўлинмалари воқеа жойига етиб боргач, ёпиқ бозорнинг томи ёнаётгани аниқланди. Шундан сўнг улар зудлик билан ходимлар ва мижозларни эвакуация қила бошлади. Дастлабки маълумотларга кўра, қурбонлар йўқ, — дейилади матбуот хизмати хабарида.Қутқарувчилар 150 дан ортиқ одамни, жумладан, ходимлар ва мижозларни эвакуация қилди.
Фавқулодда хизматларининг қўшимча қилишича, ёнғин содир бўлган жойда портлаш овозлари эшитилган. Тахминларга кўра, бу газ баллонлари бўлиши мумкин.
Олов 7 минг квадрат метр майдонни қамраб олган. Ҳодиса оқибатида бозор биноси деярли бутунлай вайрон бўлган.
Ёнғинни бартараф этишга 40 дан ортиқ киши ва 25 та махсус техника жалб қилинган.
Таъкидлашича, ҳозирда демонтаж қилиш ишлари олиб борилмоқда.
Изоҳ (0)