29 август куни Олий Мажлис Сенатининг Суд-ҳуқуқ масалалари ва коррупцияга қарши курашиш қўмитасининг мажлиси бўлиб ўтди. Бу ҳақда юқори палата ахборот хизмати хабар қилди.
Қайд этилишича, унда «Ўзбекистон Республикасининг айрим қонун ҳужжатларига ўзгартиш ва қўшимчалар киритиш ҳақида»ги қонун ҳамда Давлат органлари ва ташкилотлари тизимида 2022 йилнинг биринчи ярмида мурожаатлар билан ишлаш ҳолати муҳокама қилинган.
Муҳокама давомида Жиноят кодекси, Маъмурий жавобгарлик тўғрисидаги кодекс ҳамда «Ташувчининг фуқаролик жавобгарлигини мажбурий суғурта қилиш тўғрисида»ги қонунга тегишли ўзгартиришлар киритилаётганлиги айтиб ўтилган.
Хусусан, мамлакатда электрон тўлов воситасидан фирибгарлик, яъни алдаш ёки ишончини суиистеъмол қилиш йўли билан ўзганинг мулкига бўлган ҳуқуқларни қўлга киритиш билан боғлиқ жиноятларни Жиноят кодексининг 168 (фирибгарлик) ва 169-модда (ўғрилик)ларини оғирлаштирувчи ҳолат сифатида жавобгарликни белгиловчи норма билан тўлдирилаётганлиги қайд этилган.
Изоҳ (0)