Қозоғистон бош вазири Алихон Смоилов раислигида 27 август куни Мудофаа саноати комиссиясининг йиғилиши бўлиб ўтди. Иштирокчилар Саноат ва инфратузилмани ривожлантириш вазирлигининг қурол-яроғ, ҳарбий техника ва ҳарбий маҳсулотлар экспортини 2023 йил август ойи охиригача тўхтатиш тўғрисидаги таклифини кўриб чиқди.
Қайд этилишича, бу таклиф комиссия аъзолари томонидан қўллаб-қувватланди. Шунингдек, лицензияга эга бўлган юридик шахсларни аудиторлик текширувидан ўтказиш ҳамда «Рухсатномалар ва хабарномалар тўғрисида»ги қонунга ўзгартиш ва қўшимчалар киритиш режалари муҳокама қилинди.
Қозоғистоннинг «Express К» ахборот портали маълумотларига кўра, мамлакатда кенг турдаги қуроллар ишлаб чиқарилади. Улар орасида «Тарлан» ракета тизими бор, унинг отиш масофаси 300 километрни ташкил этади.
Аввалроқ Қозоғистон 2022 йил учун мудофаа бюджетини эълон қилган эди, бу 2021 йилда ажратилган маблағдан деярли уч баробар кўпни ташкил этган.
Изоҳ (0)