Ўзбекистон бўйлаб ўтказилаётган «Миллий меросга менинг ҳиссам!» акцияси доирасида аҳоли томонидан жами 90 га яқин ашё топширилди. Бу ҳақда Маданий мерос агентлиги ахборот хизмати хабар берди.
Қайд этилишича, президентнинг 2022 йил 27 майдаги «Музейларда хизматлар соҳасини ривожлантириш чора-тадбирлари тўғрисида»ги қарорида аҳолидаги маданий бойликларни давлат музейлари томонидан қабул қилиб олишни рағбатлантириш ва оммалаштиришга қаратилган «Миллий меросга менинг ҳиссам!» умумхалқ акциясини ўтказиш белгиланган эди.
Қарорга кўра, 2022 йил 1 июлдан бошлаб ушбу акция ташкил этилди ва доимий равишда ўтказилиб бориши белгиланди. 1 августдан то шу кунгача олиб келинган ашёларга 25 та қабул қилиш далолатномаси расмийлаштирилди.
Шунингдек, акция доирасида фуқароларда бўлган маданий бойликларни беғараз мақсадда топшириш ишлари Ўзбекистон замонавий санъат музейида ҳам ташкиллаштирилган бўлиб, 1 июлдан шу кунга қадар жами 63 та асар қабул қилиб олинган.
Мавзуга доир: Бухоро «Арк» мажмуасидаги экспонатлар сотувга чиқарилгани ҳақидаги хабарлар рад этилди
Изоҳ (0)