Ижтимоий тармоқларда Яккабоғ туманидаги «Наврўз МФЙ ҳудудида жойлашган чиқинди полигони аҳоли норозилигига сабаб бўлаётгани айтилганди. Хабарлар юзасидан Қашқадарё вилояти Экология ва атроф-муҳитни муҳофаза қилиш бошқармаси Яккабоғ туман инспекторлари томонидан бориб ўрганилди.
«Наврўз» МФЙ ҳудудидаги чиқинди полигони учун Яккабоғ тумани ҳокими қарори билан 5 гектар майдон ажратилган бўлиб, атрофи ўраб олинмаган. Кучли шамол эсиши оқибатида чиқинди таркибидаги целлофан пакетлар ён атрофга учиб, тартибсиз ҳолга келиб қолгани аниқланган.
Ҳозирги кунда ушбу полигонда ишлар «Solitare Garden» ДҲШ зиммасига юклатилган бўлиб, полигондаги қаттиқ маиший чиқиндилар махсус техникалар ёрдамида тўлиқ рекултивация қилиниб, тупроқ билан кўмиш ишлари амалга оширилган.
Шунингдек, ДҲШга полигон атрофларини ўраш ва иҳотазорлар ташкил этиш бўйича кўрсатмалар берилди.
Изоҳ (0)