Тошкент вилояти, Чиноз туманидаги ҳовли кимошди савдосида сотилди. Маълумотлар «E-auksion» порталида эълон қилинган.
Лот аукционга фуқаролик ишлари бўйича суд ҳукми билан Чиноз тумани МИБ томонидан жойлаштирилган эди. 1993 йилда қурилган уй 5 хонадан иборат.
Ер участкасининг умумий майдони — 0,6 гектар. Бинонинг майдони — 432 квадрат метр. Ҳовлида газ, сув, электр таъминоти ва канализация тизими мавжуд.
Аукционга қўйилган ҳовлининг бошланғич баҳоси 450 млн сўм эди. 8 август куни бўлиб ўтган савдода 504 млн сўмга ҳовли сотилди.
Аввалроқ Ҳамид Олимжон майдонидаги дўкон ва омборхона 8 млрд сўмга аукционга қўйилгани ҳақида хабар берилганди.
Изоҳ (0)