Bugun,

  • USD 10940.05
  • RUB 182.26
  • EUR 11121.65

Britaniyada yilning birinchi yarmida 71,2 million yevrodan ortiq oziq-ovqat ishchi kuchi yetishmasligi sababli isrof bo‘lgan. Bu haqda Buyuk Britaniya Milliy fermerlar uyushmasi (MFU) ma’lum qildi

Foto: CNN

Foto: CNN

Mamlakat bo‘ylab oilalar xarajatlar oshib borayotgani sababli yashash uchun kurashayotgan bir paytda sifatli va to‘yimli oziq-ovqatlar isrof bo‘layotgani bema’nilikdan boshqa narsa emas, — dedi MFU prezidenti o‘rinbosari Tom Bredshou.

Fermerlar kasaba uyushmasi tadqiqotiga ko‘ra, yanvardan iyungacha 26 million yevro (22 million funt sterling) miqdoridagi meva-sabzavot 40 foiz ishchi kuchi yetishmasligi oqibatida zarar ko‘rgan. 

Brexit fermalarga Yevropa Ittifoqiga a’zo davlatlardan ishchilarni yollashni qiyinlashtirib, ishchi kuchi tanqisligiga sabab bo‘lmoqda. 

Ukrainaliklar bu bo‘shliqni vaqtincha to‘ldirishgan edi, ammo fevral oyida Rossiya va Ukraina o‘rtasida urush boshlanganidan keyin ko‘plab ishchilar o‘z vatanlarida qolib ketdi.

Tanqislikni bartaraf etish uchun Britaniya O‘zbekiston, Indoneziya va Filippin, shuningdek, Janubiy Afrika kabi mamlakatlardan ishchilarni yollashga majbur bo‘lmoqda.

Kasaba uyushmasining ta’kidlashicha, Britaniyaning mavsumiy ishchilar sxemasini kengaytirish orqali bu yilgi voqealar takrorlanmasligini ta’minlash mamlakat uchun juda muhimdir.

Bu yil Britaniya mavsumiy ishchilar uchun 38 000 ga yaqin vizaga ruxsat berdi. Biroq sektor bu ko‘rsatkichdan deyarli ikki barobar ko‘proq vizaga muhtojligini ma’lum qilgan — 70 000 dan ziyod.

Iyun oyida Britaniyada bo‘sh ish o‘rinlari rekord darajaga yetgan edi. Bu esa O‘zbekiston uchun qulay imkoniyat bo‘lishi kutilgan edi. 

Markaziy Osiyodagi ko‘plab kambag‘al oilalar uchun Rossiya—Ukraina urushining uzoq davom etishi moliyaviy halokatga olib kelishi mumkin.

Jahon banki hisobotiga ko‘ra, Rossiyada Markaziy Osiyodan kelgan 8 millionga yaqin muhojir bo‘lib, mamlakat asosiy manzil sifatida o‘z jilosini yo‘qota boshlagach, ular boshqa muqobil variant qidirmoqda.

Buyuk Britaniyadagi fermer xo‘jaliklari mahsulot tanlab olish va Brexit bilan bog‘liq ishchi kuchi tanqisligini to‘ldirish uchun O‘zbekistondan ishchilarni qabul qilishni iyun oyida boshlagan edi.

Izoh
Asosiy yangiliklar
Mahalliy
Putinparast raqqos Toshkentda urushga chorlovchi qo‘shig‘i uchun senzura qilinganini aytmoqda. O‘zi nima bo‘lgandi?
Dunyo
Ganjani vayron qilgan 11 ballik zilzila, Gutenberg chop etgan ilk kitob, Suriyada harbiy operatsiya boshlagan Rossiya qo‘shinlari. Kun xronologiyasida 30-sentabr
Dunyo
Rossiya Zaporojye va Xerson viloyatlari mustaqilligini tan oldi