Ижтимоий тармоқларда автомобиль эшиги ушлагичига қулф илингани ва унга хат қистирилгани акс этган фото ва видеолар тарқалиб, кўплаб муҳокамаларга сабаб бўлмоқда. Тошкент шаҳри ИИББ ҳолат юзасидан муносабат билдирди.
ИИББ томонидан ўтказилган текширув ва ўрганишлар натижасида шаҳар ИИББ ва унинг қуйи тизимларига бу каби ҳолатлар юзасидан мурожаат келиб тушмагани аниқланди.
Ҳурматли пойтахтимиз аҳолиси ва меҳмонлари! Агар сиз билан шу каби ҳолат содир бўлган бўлса ёки шу каби ҳолатга дуч келсангиз, шунингдек, ушбу шахс ҳақида бирор маълумотга эга бўлсангиз, 71-206-42-54 ёки 102 рақамларига қўнғироқ қилишингизни ёки 97-778-99-65 Telegram рақами орқали хабар беришингизни ёхуд яқин орадаги ички ишлар бўлимига мурожаат қилишингизни сўраймиз, — дейилади муносабатда.Маълумот учун, тарқалган хабарларда Тошкентда фирибгарликнинг янгича, антиқа усули пайдо бўлгани, автомобилга қулф илиб кетилиб, шу картага пул ташланса, код айтилиши, шу орқали пул ундириб юрилгани айтилганди.
Изоҳ (0)