Қонунчилик палатаси томонидан 2022 йил 21 июнда қабул қилинган ва 4 августда Сенат томонидан рад этилган «Ўзбекистон Республикасининг Оила кодексига ўзгартириш киритиш тўғрисида»ги қонун лойиҳасини Қонунчилик палатасида қайта кўриб чиқишдан олиб ташлаб, Вазирлар Маҳкамасига юбориш ҳақидаги масалани депутатларнинг кўпчилиги қўллаб-қувватламади. Бу ҳақда депутат Расул Кушербаев ўзининг Telegram каналида ёзмоқда.
Қайд этилишича, депутатлар Сенат рад этган ушбу қонун лойиҳаси жамият учун муҳим ва амалиётда одамлар ортиқча сарсон бўлишининг олдини олади, деб ҳисобламоқда. Бир қатор депутатлар ваколатдан фойдаланиб, қонун лойиҳасини қайта қабул қилиб, тўғридан-тўғри президентга имзога юбориш зарурлигини билдирмоқда. Шу кунгача депутатлар бу ваколатдан фойдаланмаган.
Қонун лойиҳасида:
ФҲДЁ органи томонидан никоҳ тузишга бир ойда рухсат берувчи қоидани чиқариб ташлаш;
- эллик ёшдан ошган никоҳланувчи шахслар ёки ўртада боласи бўлган никоҳланувчи шахслар учун, шунингдек, ҳомиладор аёл ва унинг туғилажак боласини ўз боласи деб тан олувчи шахс учун тиббий кўрикдан ўтиш ихтиёрий эканини белгилаш кўзда тутилган.
Изоҳ (0)