Тошкент шаҳридаги 21-сонли меҳрибонлик уйининг эшиклари ёпилди, деб хабар бермоқда «Mehribonlik.uz».
Қайд этилишича, мазкур меҳрибонлик уйида 5 ёшдан 18 ёшгача бўлган 122 нафар бола тарбияланган. Бугунги кунда 67 нафар тарбияланувчи оилавий шароитда вояга етаётган бўлса, 12 нафари бугун Тошкентдаги 5 та оилавий болалар уйида яшайди.
6 нафар бола ота-онаси ёки яқин қариндошларига қайтарилган. Бу болалар ота-онасидан бирини ёқотган ёки бутунлай ота-онасидан айрилган болалар ҳисобланади. Миллий гвардия ва ҳамкор вазирликларнинг ҳаракатлари билан уларнинг қариндошлари топилиб, оиласига қайтарилган. 50 дан ортиқ ўғил-қиз васийликка олинган.
Болалар 18 ёшга тўлиб, вояга етгач муассасани тарк этган. Натижада 21-сонли Меҳрибонлик уйида атиги 27 нафар тарбияланувчи қолган. Шу боис барча болалар Тошкент шаҳрида жойлашган 22-сонли меҳрибоник уйига ўтказилган.
21-сонли меҳрибонлик уйи эса ўз фаолиятини якунлаган.
Мавзуга доир:
- Россиядаги меҳрибонлик уйида тарбияланаётган беш нафар бола Бухорога қайтарилди
- Меҳрибонлик уйлари тарбияланувчиларидан иборат Ўзбекистон терма жамоаси халқаро мусобақа ғолибига айланди
- Тошкентда меҳрибонлик уйлари битирувчиларига кўп қаватли уй ертўласидан хонадон ажратилаётгани тўғрисида хабарлар тарқалди
Изоҳ (0)