Тезпишар таомларнинг саломатлик учун қандай зарари бор? Улар қайси касалликларни келтириб чиқариши мумкин? Олий тоифали шифокор Ҳилола Жамилова фастфудларнинг организмга зарари ҳақида маълумот берди.
Мутахассиснинг таъкидлашича, фастфудлардаги семизликни келтириб чиқарувчи трансёғлар ҳазми учун камида икки йил зарур. Лаваш, гамбургер, ҳотдог, нон кабоб, чипс каби тезпишар маҳсулотлар ҳозир аксарият ёшларнинг севимли таоми бўлиб, бозори чаққон ушбу егуликларнинг фойдасидан зарари кўпроқ.
Хусусан, Жаҳон соғлиқни сақлаш ташкилоти жорий йилда инсоният ҳаётига таҳдид солаётган беш асосий хавф рейтинги бошида семизликни келтириб, буни фастфудлар истеъмоли авж олиши билан изоҳлаган.
Кўплаб хасталиклар нотўғри овқатланиш туфайли юзага келишини яхши биламиз. Жигар, ўт қопи, ошқозон-ичак, қон-томир, эндокрин тизими хасталиклари кўпинча носоғлом таомланиш асоратлари сифатида изоҳланади. Чунончи, ортиқча вазн туфайли ички аъзолар фаолияти бузилиши кузатилади. Юрак қон ҳайдашга, жигар заҳарларни тозалашга, эндокрин безлар эса организмни керакли миқдордаги гормонлар билан таъминлашга қийналади. Оқибатда семизлик қатор сурункали касалликларга сабаб бўлади.Қайд этилишича, тезпишар таомларнинг аксарияти юқори калорияга эга. Ўрта вазнли эркаклар учун бир суткада қарийб 2500 Ккал, аёллар учун эса 2000 Ккал қувват талаб этилиши инобатга олинса, фастфудлар таркибидаги ортиқча углеводлар организмда тўпланиб, вазн ортишига олиб келади. Бундан ташқари, тезпишар маҳсулотлар тайёрлашда туз кўп ишлатилади. Ваҳоланки, жисмоний соғлом инсон учун кунига ўртача 5 грамм туз истеъмоли — меъёрий кўрсаткич.Чунки фастфудлар таркибида тўйинган ва трансёғлар миқдори ҳаддан зиёд кўп. Бу эса семизликни келтириб чиқарувчи асосий омиллардан бири. Чунки тўйинган ва трансёғларнинг организмдан тўлиқ чиқиб кетиши жуда қийин жараён. Баъзи манбаларда бунинг учун камида 2 йил вақт талаб этилиши айтилади, — дейди у.
Аммо битта лаваш ёки гамбургер таркибида 2–3 грамм, ўртача порция картошка фрисида эса 0,5 грамм туз қўлланилади. Бир таомланишда ярим кунлик меъёрни истеъмол қилиш эса организм учун зиён. Бу юрак-қон томир касалликларининг ривожланишига туртки бўлади. Худди шундай, фастфудлар билан бирга истеъмол қилинадиган газланган ширин ичимликлар, соуслар таркибидаги ҳаддан зиёд шакар қандли диабетни шакллантирувчи бирламчи маҳсулотлар сирасидан.
Ўз навбатида, австралиялик олимлар ўтказган тадқиқотда тезпишар таомлар ва улар оқибатида шаклланадиган семизлик мия хасталиклари, хусусан, ақлий заифликни ҳам келтириб чиқариши исботланган.
Изоҳ (0)