Ўзбекистонда долларлашув юқори даражани ташкил этмоқда. Бу ҳақда тадбиркорлар билан ўтказилган мулоқотда Марказий банк раиси ўринбосари Беҳзод Ҳамроев маълум қилди, дея хабар бермоқда «Дарё» мухбири.
Беҳзод Ҳамроевнинг таъкидлашича, ўтган йили хорижий валютада ажратилган кредитлар миқдори анча юқори бўлган.
«Тизимли бир муаммо бор. Буни долларлашув даражасининг ошиши деса ҳам бўлади. 2021 йил якунида иқтисодиётда валютада ажратилган кредитлар миқдори 47 фоизни ташкил қилган. Чунки валютада кредитлар арзон бўлган ва кўп олинган.Аввалроқ Ўзбекистондаги умумий кредитларнинг 34,4 фоизи имтиёзли кредитлар экани маълум қилинганди. 2020–2021 йилларда тадбиркорларни қўллаб-қувватлаш мақсадида муддати узайтирилган 80 триллион сўмлик кредитларнинг қарийб 10 фоизи муаммоли кредитга айланган.Тўғри, жисмоний шахслар эмас, тадбиркорлар, юридик шахслар кредитлар олган. Лекин бунинг ўзига хос хусусияти борки, қачондир агар курс тебраниши тезроқ, юқорироқ ва кескинроқ бўлса, ўша даврда курс билан боғлиқ маълум бир хатарни келтириб чиқаради.
Бизда 5-6 йил давомида алмашув курси барқарор. Ўртача йиллик девальвация 2-6 фоизни ташкил қилади. Бу жуда ҳам мўътадил ҳолат», – деди Марказий банк расмийси.
Изоҳ (0)