Тошкентнинг Яшнобод туманида электропоезд 35 ёшлар атрофидаги маст аёлни уриб юборди. Бу ҳақда Миллий телеканалининг «Миллар» дастурида хабар қилинди.
Қайд этилишича, воқеа 16 август куни соат 23:30 ларда юз берган. Темир йўл изида ўтириб олган аёлни кўрган электропоезд машинисти бир неча марта огоҳлатирувчи сигнал берган, аммо аёл меъёридан ортиқ спиртли ичимлик ичгани сабабли ўрнидан тура олмаган. Шундан сўнг машинист электропоездни фавқулодда тўхтатган, бироқ бари бир аёлни туртиб юборган.
Аёл тез ёрдам машинасида энг яқин шифохонага олиб борилган. Унга бош мия очиқ жароҳати, бош миянинг енгил даражага лат ейиши, чап пешона соҳаси суягининг ёрилиши, пешона ва тизза соҳасида эзилиб йиртилган жароҳатлар ташхиси қўйилган.
Бемор аҳволи яхшилангач, уйида қониқарли аҳволда кетишга рухсат берилган.
Мавзуга доир:
Изоҳ (0)