Давлат статистика қўмитаси 2022 йил январь—июль ойлари бўйича чакана савдо айланмасини эълон қилди.
Мамлакат бўйича чакана савдо айланмаси 159,9 трлн сўмни ташкил этди. Бу 2021 йилнинг январь—июнь ойларига нисбатан 11,2 фоизга кўп.
Барча ҳудудларда ўсиш суръатлари кузатилди. Таркибий қисмлари 77,8 фоиз кичик бизнес ва хусусий тадбиркорлик субектлари ва 22,2 фоиз йирик корхоналар ҳиссасига тўғри келди.
Товар айланмасида энг юқори улуш Тошкент шаҳрида — 25,7 фоиз яъни 41,1 трлн сўм.
Кейинги ўринларда Тошкент (16,1 трлн сўм), Самарқанд (13,2 трлн сўм) ва Фарғона (12,8 трлн сўм) вилоятлари жойлашган.
Мамлакат чакана савдо товар айланмасида энг қуйи улушни Сирдарё вилояти 1,5 фоиз билан 2,4 трлн сўмни ташкил этди.
Йирик корхоналарнинг товар айланмаси ҳажми, 2021 йилнинг январь—июль ойларига нисбатан 28,2 фоизга ўсди. Бу 35,4 трлн сўмга тенг.
Бу эса умумий савдо ҳажмининг 22,2 фоиз улушига тўғри келди.
Кичик бизнес ва хусусий тадбиркорлик субектларининг чакана савдо товар айланмаси ҳажми 124,4 трлн сўмни ташкил этиб, 2021 йилнинг январь—июль ойларига нисбатан 7,2 фоизга кўпайди. Давлат миқёсида ушбу секторнинг жами улуши 77,8 фоизни ташкил этди.
Кичик бизнес ва хусусий тадбиркорлик субектларининг улуши бўйича Сурхондарё (92,3 фоиз), Сирдарё (91,8 фоиз), Наманган (91,3 фоиз) вилоятлари етакчилик қилмоқда.
Йирик корхоналарнинг улуши 22,2 фоизни ташкил этиб, энг катта улуш Тошкент шаҳрида (39,3 фоиз), Тошкент (28,8 фоиз) ва Самарқанд (21,4 фоиз) вилоятларида кузатилди.
2022 йилнинг январь—апрель ойлари ҳолатига кўра, ўртача аҳоли жон бошига чакана савдо товар айланмаси 4,5 млн сўмни ташкил этди. Бу кўрсаткич 2021 йилнинг мос даврига нисбатан 9 фоизга ошган.
Изоҳ (0)