Давлат тендер комиссияси томонидан Uzcard’даги 75 фоиз давлат улуши мустақил баҳолаш ташкилотини жалб этиб сотилиши тўғрисида қарор қабул қилинган. Бу ҳақда Давлат активларини бошқариш агентлиги хабар бермоқда.
«Ягона умумреспублика процессинг маркази» (UzCard) устав капиталидаги тегишли банклар (5 та давлат банки)нинг жами 75 фоиз улуши Давлат активларини бошқариш агентлигига ўтказилган.
Мазкур улушдан самарали фойдаланиш ва сотиш масаласи Давлат мулкини сотишда тендер савдоларини ўтказиш бўйича давлат комиссияси қарори асосида амалга оширилиши белгиланган.
Жамиятнинг бошқа иштирокчилари томонидан сотиб олишдаги имтиёзли ҳуқуқдан фойдаланилмаса, уни оммавий савдолар орқали сотиш чоралари кўрилади ва бу тўғрисида қўшимча ахборот берилади.
Аввалроқ Uzbekistan Airways’ни хусусийлаштириш жараёни бошлангани ҳақида хабар берилганди.
Изоҳ (0)