Qanot Sharq авиакомпанияси 20 августдан Тошкент— Фарғона—Москва йўналишидаги мунтазам парвозларини амалга оширишни бошлади.
Транспорт вазирлиги матбуот хизматининг хабар беришича, ушбу йўналиш бўйича илк рейс Фарғона халқаро аэропорти орқали амалга оширилди. Авиакомпаниянинг Airbus А320 самолёти Фарғона халқаро аэропортида тантанали равишда кутиб олинди.
Мазкур йўналишдаги қатнов ҳафтанинг ҳар шанба ва якшанба кунлари мунтазам равишда амалга оширилади.
Эслатиб ўтамиз, Qanot Sharq 21 июль куни Самарқанд ва Санкт-Петербур ўртасида мунтазам парвозларни йўлга қўйганди.
Изоҳ (0)