Тошкент шаҳридаги «Бунёдкор» стадионининг анжуманлар залида 21 август, якшанба футбол ва мини-футбол бўйича ДХХ Кубоги финал босқичи беллашувларига қуръа ташлаш маросими бўлиб ўтди.
2022 йилнинг апрель июнь ойларида ушбу кубок учун шаҳар, туман ва вилоят босқичлари ўйинлари ташкил этилди. Мусобақага республика бўйлаб 16—30 ёш оралиғидаги ёшлар, шунингдек, барча олис ва чекка ҳудудлардаги маҳалла ёшлари жалб қилиниб, 18 629 та жамоа (футбол – 9 281 та, мини футбол – 9 348 та) иштирок этди, мусобақа жами 241 976 нафар ёшларни қамраб олган.
Туман, шаҳар ҳамда вилоят босқичларида ғолибликни қўлга киритган энг кучли 28 та жамоа эндиликда 22—26 август кунлари Тошкентдаги «Бунёдкор» футбол академиясига қарашли стадионда кубок учун ўзаро беллашади. Финал ўйинлари эса 27 август куни пойтахтнинг «ЖАР» стадионида 18:30 да ўтказилиши белгиланган. Маросимда ушбу жамоаларни финал босқичи учун рўйхатга олишда улар таркибида профессионал футболчилар йўқлиги, 2021/2022 йилги мавсумида ПФЛ мусобақаларида иштирок этмагани текширилгани таъкидланди. Футбол бўйича ҳар бир жамоага 16, мини-футбол жамоаларига эса 10 нафардан футболчи рўйхатга олингани билдирилди.Республика босқичи ўйинлари 2 босқичда: гуруҳ ва плей-офф тарзида ташкил этилади. 14 жамоа мос равишда 4 та гуруҳга бўлинади. Бунда 2 та гуруҳда 4 тадан, яна 2 та гуруҳда 3 тадан жамоа ўзаро баҳс олиб боради. Гуруҳ ғолиблари плей-офф беллашувларида иштирок этади, битта ўйиндан иборат баҳснинг асосий вақтида ғолиб аниқланмаган тақдирда пенальтилар сериясига мурожаат қилинади.
Қуръа натижаларига кўра, футбол бўйича қуйидаги жамоалар гуруҳларда ўзаро баҳс олиб борадиган бўлди:
Қуръа натижаларига кўра, мини-футбол бўйича қуйидаги жамоалар гуруҳларда ўзаро баҳс олиб борадиган бўлди:
Маълумот учун, ДХХ Кубогида биринчи ўринни эгаллаган жамоага улар истиқомат қиладиган маҳаллада замонавий мини-футбол майдони, иккинчи ўрин учун универсал спорт майдони ҳамда учинчи ва тўртинчи ўринларни қўлга киритган жамоаларга эса улар яшайдиган маҳалларда «стритбол» майдонлари қуриб берилади. Айтиш керакки, ДХХ кубоги мусобақасининг вилоят босқичи якуни бўйича 792 нафар иқтидорли ёшлар аниқланган бўлиб, ҳозирда уларни маҳаллий футбол клубларига жалб қилиш чоралари кўрилаётгани маълум бўлди.
Изоҳ (0)