Россия Мудофаа вазирлиги Украинани Россия ҳарбийларига қарши кимёвий воситалардан фойдаланганликда айблади, деб хабар бермоқда Meduza.
Мудофаа вазирлиги баёнотида айтилишича, 31 июль куни Запорожье вилоятидаги рус аскарлари оғир заҳарланиш белгилари билан касалхонага ётқизилган. Текширув натижасида уларнинг организмида «Б» типидаги ботулотоксин — келиб чиқиши сунъий бўлган органик заҳар борлиги аниқланган.
Мудофаа вазирлиги яқин орада Кимёвий қуролларни тақиқлаш ташкилотига «Киев режимининг кимёвий терроризми исботини» юборишга ваъда берди.
Вазирлик, шунингдек, воқеа муносабати билан, хусусан, Херсон вилоятининг Россия назоратидаги ҳукумати раҳбари Владимир Салдо кимёвий жанговар воситалар билан заҳарланган бўлиши мумкинлиги юзасидан қўшимча текширув ўтказаётганини таъкидлади.
Украина томони Россия Мудофаа вазирлигининг баёнотларига изоҳ бермаган.
Мавзуга доир: Оқ уй Россия биологик қурол билан провокация уюштириши мумкинлигидан огоҳлантирди
Изоҳ (0)