Россия БМТ бош котиби Антониу Гутерришнинг Россия қўшинлари томонидан эгаллаб олинган Запорожье АЭС атрофидаги ҳудудни қуролсизлантириш ҳақидаги таклифини рад этгани ҳақида хабар берилганди. Буюк Британия ва АҚШ депутатлари «Россиянинг айби билан атом электр станциясида атайлаб содир этилган авария НАТОга ҳужум сифатида баҳоланишини» маълум қилди.
Британия парламенти депутати Тобиас Эллвуд Украина томонининг Россия қўлга киритилган атом электр станциясида провокациялар режалаштираётгани ҳақидаги хабарларига изоҳ берган. Эллвуднинг Twitter’да ёзилшича, Украина ядровий реакторида радиация тарқалишига олиб келадиган ҳаракатлар НАТОнинг 5-моддасини бузиш ҳисобланади.
Эллвуднинг сўзларига АҚШ Конгресси Вакиллар палатаси аъзоси Адам Кинзингер жавоб қайтарган. Кинзингернинг сўзларига кўра, радиация сизиб чиқиши НАТО мамлакатларида истиқомат қилувчи аҳолини ҳалок қилади ва бу альянс низомининг 5-моддаси автоматик тарзда қўлланилишини англатади.
Маълумот учун, НАТО Коллектив мудофаа тўғрисидаги низомининг 5-моддасида альянс аъзосига ҳужум қилиш блокка қилинган ҳужумга тенг экани белгиланган.
Мавзуга доир:
Изоҳ (0)