Rossiya Mudofaa vazirligi Ukrainani Rossiya harbiylariga qarshi kimyoviy vositalardan foydalanganlikda aybladi, deb xabar bermoqda Meduza.
Mudofaa vazirligi bayonotida aytilishicha, 31-iyul kuni Zaporojye viloyatidagi rus askarlari og‘ir zaharlanish belgilari bilan kasalxonaga yotqizilgan. Tekshiruv natijasida ularning organizmida “B” tipidagi botulotoksin — kelib chiqishi sun’iy bo‘lgan organik zahar borligi aniqlangan.
Mudofaa vazirligi yaqin orada Kimyoviy qurollarni taqiqlash tashkilotiga “Kiyev rejimining kimyoviy terrorizmi isbotini” yuborishga va’da berdi.
Vazirlik, shuningdek, voqea munosabati bilan, xususan, Xerson viloyatining Rossiya nazoratidagi hukumati rahbari Vladimir Saldo kimyoviy jangovar vositalar bilan zaharlangan bo‘lishi mumkinligi yuzasidan qo‘shimcha tekshiruv o‘tkazayotganini ta’kidladi.
Ukraina tomoni Rossiya Mudofaa vazirligining bayonotlariga izoh bermagan.
Mavzuga doir: Oq uy Rossiya biologik qurol bilan provokatsiya uyushtirishi mumkinligidan ogohlantirdi
Izoh (0)