Ucell: сифатли алоқа ва катта тезликдаги интернет мамлакатнинг энг олис нуқтасигача етиб боради

2022 йилнинг биринчи ярмида COSCOM МЧЖ (Ucell савдо белгиси) Ўзбекистонда телекоммуникация соҳасини ривожлантиришга 50 миллион доллардан юқори сармоя киритди. Тўғридан-тўғри инвестицияларнинг асосий йўналиши бутун мамлакат бўйлаб юқори сифатли алоқа ва катта тезликдаги интернет билан таъминлашдан иборат.

2021 йилнинг кузидан бошлаб Ucell бутун Ўзбекистон бўйлаб янги таянч станцияларини босқичма-босқич қуриш ва мавжудларини модернизация қилиш дастурини Қорақалпоғистоннинг энг олис нуқтасидан Сурхондарёнинг тоғли қишлоқларигача амалга ошириб келмоқда. Ўтган йили бир неча юз станция қурилиб, модернизация қилингани туфайли кўплаб ҳудудларда уяли алоқа сезиларли даражада яхшиланди. Бир қатор қишлоқларда интернет биринчи марта пайдо бўлди. 2022 йил учун режалар ундан ҳам каттароқ.

2022 йилнинг етти ойида 247 та янги объект фойдаланишга тайёрланди. Йил охиригача бутун мамлакат бўйлаб бир неча юзта янги объектларда монтаж ишларини якунлаш ниятидамиз.Шунингдек, йил бошидан буён 485 та таянч станциялари модернизация қилинди. Январь ойида ваъда қилганимиздек, йил охиригача 80 дан ортиқ таянч станциялари модернизация қилинади, — деди Ucell бош директори Андрей Шишковский.

Компанияда тармоқнинг барқарор ишлаши учун асос бўлган алоқа воситаларининг энергия хавфсизлигини таъминлашга алоҳида эътибор қаратилмоқда. Йил бошидан буён 328 та таянч ва коммутация станцияларида аккумуляторлар алмаштирилди. Жами 3 минг 472 дона янги аккумуляторлар ўрнатилиб, бу ишлар давом эттирилмоқда.

Тармоқлардан фойдаланиш хизмати мутахассислари инфратузилма ва алоқа воситаларини ўз вақтида таъмирлаш, носоз қисмларни аниқлаш ва алмаштириш бўйича 24/365 кун иш олиб боради. Таянч станциялари ва коммутация марказларининг электр таъминоти тизимлари мунтазам равишда текширилади ва синовдан ўтказилади. Дизель генераторлари ва кондиционерларга хизмат кўрсатилади ва улар таъмирланади. Антенна-мачта қурилмаларининг текислиги ва кабелларнинг кучланиши таъминланади.

Интернет фойдаланувчилари учун фойдали маълумот: Ucell 4G тармоғи сезиларли даражада кенгайди ва бугунги кунда йирик шаҳар ва аҳоли пунктлари ҳудудининг 85,2 фоизини қамраб олади. Таққослаш учун: 2018 йилнинг декабрь ойида Ўзбекистонда 4G қамрови атиги 9,1 фоизни ташкил қилган. Ucell 4G тармоғининг қамров доираси ҳар ой кенгайишда давом этмоқда.

Ucell бешинчи авлод уяли алоқаларини жорий этиш бўйича биринчилар қаторида бўлган ва шундай бўлиб қолади. Ҳозирда Тошкентнинг марказий қисмларида Nokia ва Huawei ускуналари асосида 5G ўрнатиш ишлари олиб борилмоқда. Самарқандда ZTE ускуналарида 5Gни жорий қилиш якунланди. Айни пайтда 5G халқаро аэропортда, «Silk Road Самарканд» сайёҳлик марказида ва шаҳарнинг марказий туманларида ишламоқда.

Йил бошида Ўзбекистон президентининг қарори билан уяли алоқа операторлари учун бизнес юритиш шартлари сезиларли даражада яхшиланди. Қабул қилиниши учун Ахборот технологиялари ва коммуникацияларини ривожлантириш вазирлиги томонидан кенг кўламли ишлар амалга оширилган мазкур ҳужжат телекоммуникация корхоналарининг инфратузилмани кенгайтириш борасидаги фаолиятини қўллаб-қувватлашни назарда тутади. Жумладан, алоқа операторлари ҳамда мамлакатимизда алоқа инфратузилмасини ривожлантириш мақсадида олиб кирилаётган асбоб-ускуналар, дастурий таъминот, материаллар ва эҳтиёт қисмлари божхона тўловларидан озод қилинди.

Бунинг натижасида Ucell компанияси мамлакатимизнинг барча ҳудудларида янги таянч станцияларини қуриш ва мавжудларини модернизация қилиш бўйича узоқ муддатли дастурни янада жадалроқ амалга оширмоқда.

Иш суръати Ucell компаниясининг халқаро стандартларга мувофиқ, телекоммуникация инфратузилмасини тубдан техник қайта жиҳозлаш ва шакллантириш бўйича инвестиция режалари тўлиқ амалга оширилишидан далолат беради.

Реклама ҳуқуқи асосида.