2022-yilning birinchi yarmida COSCOM MCHJ (Ucell savdo belgisi) O‘zbekistonda telekommunikatsiya sohasini rivojlantirishga 50 million dollardan yuqori sarmoya kiritdi. To‘g‘ridan-to‘g‘ri investitsiyalarning asosiy yo‘nalishi butun mamlakat bo‘ylab yuqori sifatli aloqa va katta tezlikdagi internet bilan ta’minlashdan iborat.
2021-yilning kuzidan boshlab Ucell butun O‘zbekiston bo‘ylab yangi tayanch stansiyalarini bosqichma-bosqich qurish va mavjudlarini modernizatsiya qilish dasturini Qoraqalpog‘istonning eng olis nuqtasidan Surxondaryoning tog‘li qishloqlarigacha amalga oshirib kelmoqda. O‘tgan yili bir necha yuz stansiya qurilib, modernizatsiya qilingani tufayli ko‘plab hududlarda uyali aloqa sezilarli darajada yaxshilandi. Bir qator qishloqlarda internet birinchi marta paydo bo‘ldi. 2022-yil uchun rejalar undan ham kattaroq.
2022-yilning yetti oyida 247 ta yangi obyekt foydalanishga tayyorlandi. Yil oxirigacha butun mamlakat bo‘ylab bir necha yuzta yangi obyektlarda montaj ishlarini yakunlash niyatidamiz.Shuningdek, yil boshidan buyon 485 ta tayanch stansiyalari modernizatsiya qilindi. Yanvar oyida va’da qilganimizdek, yil oxirigacha 80 dan ortiq tayanch stansiyalari modernizatsiya qilinadi, — dedi Ucell bosh direktori Andrey Shishkovskiy.Kompaniyada tarmoqning barqaror ishlashi uchun asos bo‘lgan aloqa vositalarining energiya xavfsizligini ta’minlashga alohida e’tibor qaratilmoqda. Yil boshidan buyon 328 ta tayanch va kommutatsiya stansiyalarida akkumulyatorlar almashtirildi. Jami 3 ming 472 dona yangi akkumulyatorlar o‘rnatilib, bu ishlar davom ettirilmoqda.
Tarmoqlardan foydalanish xizmati mutaxassislari infratuzilma va aloqa vositalarini o‘z vaqtida ta’mirlash, nosoz qismlarni aniqlash va almashtirish bo‘yicha 24/365 kun ish olib boradi. Tayanch stansiyalari va kommutatsiya markazlarining elektr ta’minoti tizimlari muntazam ravishda tekshiriladi va sinovdan o‘tkaziladi. Dizel generatorlari va konditsionerlarga xizmat ko‘rsatiladi va ular ta’mirlanadi. Antenna-machta qurilmalarining tekisligi va kabellarning kuchlanishi ta’minlanadi.
Internet foydalanuvchilari uchun foydali ma’lumot: Ucell 4G tarmog‘i sezilarli darajada kengaydi va bugungi kunda yirik shahar va aholi punktlari hududining 85,2 foizini qamrab oladi. Taqqoslash uchun: 2018-yilning dekabr oyida O‘zbekistonda 4G qamrovi atigi 9,1 foizni tashkil qilgan. Ucell 4G tarmog‘ining qamrov doirasi har oy kengayishda davom etmoqda.
Ucell beshinchi avlod uyali aloqalarini joriy etish bo‘yicha birinchilar qatorida bo‘lgan va shunday bo‘lib qoladi. Hozirda Toshkentning markaziy qismlarida Nokia va Huawei uskunalari asosida 5G o‘rnatish ishlari olib borilmoqda. Samarqandda ZTE uskunalarida 5G‘ni joriy qilish yakunlandi. Ayni paytda 5G xalqaro aeroportda, “Silk Road Samarkand” sayyohlik markazida va shaharning markaziy tumanlarida ishlamoqda.
Yil boshida O‘zbekiston prezidentining qarori bilan uyali aloqa operatorlari uchun biznes yuritish shartlari sezilarli darajada yaxshilandi. Qabul qilinishi uchun Axborot texnologiyalari va kommunikatsiyalarini rivojlantirish vazirligi tomonidan keng ko‘lamli ishlar amalga oshirilgan mazkur hujjat telekommunikatsiya korxonalarining infratuzilmani kengaytirish borasidagi faoliyatini qo‘llab-quvvatlashni nazarda tutadi. Jumladan, aloqa operatorlari hamda mamlakatimizda aloqa infratuzilmasini rivojlantirish maqsadida olib kirilayotgan asbob-uskunalar, dasturiy ta’minot, materiallar va ehtiyot qismlari bojxona to‘lovlaridan ozod qilindi.
Buning natijasida Ucell kompaniyasi mamlakatimizning barcha hududlarida yangi tayanch stansiyalarini qurish va mavjudlarini modernizatsiya qilish bo‘yicha uzoq muddatli dasturni yanada jadalroq amalga oshirmoqda.
Ish sur’ati Ucell kompaniyasining xalqaro standartlarga muvofiq, telekommunikatsiya infratuzilmasini tubdan texnik qayta jihozlash va shakllantirish bo‘yicha investitsiya rejalari to‘liq amalga oshirilishidan dalolat beradi.
Reklama huquqi asosida.
Izoh (0)