Россия ҳарбийлари Харьковнинг Салтовка туманидаги кўп қаватли уйга ракета ҳужуми уюштирди. Бу ҳақда Харьков вилояти ҳарбий бошқармаси раҳбари Олег Синегубовга таяниб, Meduza хабар берди.
Ҳужумдан сўнг бинода ёнғин бошланган. Синегубовнинг айтишича, бино бутунлай вайрон бўлган. Унинг сўзларига кўра, зарбалар оқибатида олти киши ҳалок бўлган, яна 16 киши яраланган. Кейинчалик қурбонлар сони етти нафарга етгани хабар қилинди.
Шаҳар мери Игорь Терехов ҳужумни қаттиқ қоралади. «Бу ҳарбий нишон эмас. Бу қўрқитиш ҳаракати, геноцид, бу ҳақиқий фашизм», — деди у.
Украина президенти Владимир Зеленский ўққа тутилган бинода ётоқхона борлигини айтди. У бу ҳодисани «тинч аҳолига нисбатан ҳеч қандай асосга эга бўлмаган разиллик ва беадаб ҳужум», деб атади.
Харьков расмийларига кўра, ётоқхонада 30 дан ортиқ одам, жумладан, пенсионерлар ва болалар яшаган.
Россия Мудофаа вазирлиги ҳужумга изоҳ бермади.
Изоҳ (0)