Бугун,

  • USD 11095.31
  • RUB 173.84
  • EUR 10772.44

Илон Маск инглиз футбол клубини сотиб олиш режасини эълон қилганидан сўнг, Манчестер Юнайтед акциялари бозор олди савдоларида 17 фоизга қимматлашди. Кейинроқ Маск ҳазиллашаётганини тан олди. Бу ҳақда CNBC хабар бермоқда.

Фото: Getty Images

Фото: Getty Images

Кейинчалик қимматли қоғозлар ўсишни тўхтатди, премаркетда клубнинг бир акциясининг нархи 5,63 фоиз ўсиш билан 13,5 долларни ташкил этди.

16 август кунги савдолар якунига кўра, Манчестер Юнайтед акцияси 12,78 долларга тенг эди.

Манчестер Юнайтедни сотиб олиш компаниянинг фонд бозори капиталлашувидан келиб чиққан ҳолда Маскга тахминан 2 млрд долларга тушади.

Tesla ва SpaceX раҳбари Илон Маск Twitter’да Манчестер Юнайтедни сотиб олаётгани ҳақида ёзди. Обуначиларнинг саволларига жавобан у баёнотни жиддий қабул қилмаслик кераклигини таъкидлади.

Бу Twitter'даги эски ҳазил. Мен ҳеч қандай спорт жамоаларини сотиб олмайман, — деб ёзади у.

Шу билан бирга Маск агар футбол клубини сотиб олса, бу Манчестер Юнайтед бўлишини тан олди. Клуб Маскнинг болалигидаги энг севимли жамоаси бўлган.

Маскнинг Манчестер Юнайтедъни сотиб олиш режалари ҳақидаги твитига 696 мингдан ортиқ лайк йиғилган ва деярли 107 минг марта баҳам кўрилган.

Аввалроқ Илон Маск қарийб 7 миллиард долларлик Tesla акцияларини сотгани ҳақида хабар берилганди.

Изоҳ
Асосий янгиликлар
Дунё
Британия ҳукумати “Вагнер”ни террорчи ташкилот деб эълон қилмоқчи — The Telegraph
Дунё
АҚШда хавфли моддаларни олиб кетаётган юк поезди релсдан чиқиб кетди (видео)
Маҳаллий
Ўзбекистонда келаётган ҳафта бошида қандай об-ҳаво бўлади?