Тошкент шаҳар, Янгиҳаёт туманидаги поликлиника биноси кимошди савдосига қўйилди. Лот маълумотлари «E-auksion» порталида эълон қилинган.
2019 йилда қурилган икки қаватдан иборат поликлиника 31 та хонага эга.
Ер участкасининг умумий майдони — 0,04 гектар. Бинонинг майдони — 941 квадрат метр. Унда газ, сув, электр таъминоти ва канализация тизими мавжуд.
Аукционга қўйилган поликлиниканинг бошланғич баҳоси — 4,8 млрд сўм. Аризалар 5 сентябрь 09:00 га қадар қабул қилинади. Савдолар худди шу куни 10:00 да бошланади.
Аввалроқ Тошкентдаги ҳовли МИБ томонидан қарийб 7 млрд сўмга аукционга қўйилгани ҳақида хабар берилганди.
Изоҳ (0)