Республика бўйича 1278 судьянинг 174 нафари аёл судья бўлиб, уларнинг 26 нафари раҳбар судья лавозимида ишлайди. Бу ҳақда АОКАда Судьялар олий кенгаши раҳбарияти ва мутасаддилари иштирокида «Судьялар корпусини шакллантириш: очиқлиқ, шаффофлик ва натижалар» мавзусида ўтказилган матбуот анжуманида айтиб ўтилди.
Тадбирда маълум қилинишича, 2022 йилнинг ярим йиллигида 185 нафар судья очиқ ва ошкора ўтказилган танловлар натижасида тайинланган. Улар муҳокама этилган номзодларнинг 62,5 фоизи бўлиб, 7 нафари судьялик лавозимида бўлишнинг 5 йиллик, 66 нафари 10 йиллик, 1 нафари муддатсиз даврга тайинланган бўлса, 11 нафари ваколати муддатига қайта тайинланган.
2022 йил ярим йиллигида Судьялар олий кенгаши томонидан жами 41 нафар судьянинг ваколати муддатидан илгари тугатилган. Шундан ўз аризасига асосан лавозимидан озод этилган судьялар сони 21 нафар, аризаси ҳамда одил судловни амалга ошириш чоғида қонунийликни бузгани учун 12 нафар, одил судловни амалга ошириш чоғида қонунийликни бузгани, суд ишини ташкил этишда бепарволик ва интизомсизликка йўл қўйгани учун 1 нафар, қасамёдни бузгани сабабли 3 нафарни ташкил қилади. Бундан ташқари, 227 нафар судья интизомий жавобгарликка тортилди.
Изоҳ (0)