Америкалик миллиардер Илон Маск «Манчестер Юнайтед» клубини сотиб олиши ҳақида ёзганлари ҳазил бўлганини маълум қилди.
Twitter’даги постидан кейин фойдаланувчилардан бири Маскдан ҳақиқатда «Манчестер Юнайтед»ни сотиб олиш нияти жиддий ёки йўқлиги ҳақида сўради.
«Йўқ, бу Twitter’даги эски ҳазил. Мен ҳеч қандай спорт жамоасини сотиб олмайман», — дея жавоб берган Илон Маск.
Маск «Манчестер Юнайтед»га бефарқ эмаслигини ҳам қайд этиб ўтди.
«Дарвоқе, агар қандайдир жамоани сотиб оладиган бўлсам ҳам, бу ‘Манчестер Юнайтед’ бўлади. У болаликда севимли жамоам бўлган», — дея қўшимча қилади тадбиркор.
Изоҳ (0)